Sendeirismo Polo Río Almofrei, Muíño Da Bouza E Salgueiral

Un día de mañá cedo chegamos á escola en modo deportivo.

E é que iamos facer unha ruta polo Rio Almofrei.

 Polo camiño o primeiro que atopamos foi A Ponte Das Leiras que se usaba para ter acceso ás leiras e ir ao muíño.

Tamén nos ensinaron o pobo O Salgueiral coas súas casas de pedra.

Parámonos a ver os hórreos e así aprendemos un pouco máis da cultura galega. A verdade é que os hórreos son moi bonitos, o malo é que ao lado había uns cans un pouco pesados.

 A continuación metémonos por unha ruta estreita e  escorregadiza pola que chegamos xa a ver o río Almofrei.

 Gustounos moito ver As Poldras de Portamuíño. Uns pasos de pedra sobre a auga do río que antigamente eran usados para cruzar o río.

Despois seguimos a senda río arriba. E a verdade ás veces parecía que estabamos nunha xungla.

Foi divertido pasar os pequenos desniveis pero con precaución e algunha axudiña.

O río baixaba con caudal ofrecéndonos momentos fantásticos.

Tamén houbo momentos para a merenda.

E tamén para xogos. Nun deles tivemos que andar á busca da chave do muíño.

Dalí a nada chegamos por fin ao muíño!!!

Alí, Eligio, o muiñeiro explicounos o seu funcionamento por dentro. E o monitor o funcionamento por fóra.

 Tamén puidemos debullar o millo á antiga usanza.

Gustounos moito ver como ían caendo os grans pouquiño a pouco.

Logo había que levalos ao muiñeiro para moelos e facer a fariña.

 Miramos tamén como se facía para que a auga non entrase no muiño cando non había nada que moer.

E como estabamos no muíño tamén botamos unha muiñeira! 

Máis tarde camiñamos montaña arriba. Parecía que estabamos a escalar o Everest!

Aínda que en vez de neve tiñamos algúns atrancos no camiño.

 Finalmente regresamos de novo polo Salgueiral.

 E fomos dar a unha antiga escola. Que ben se estaba á sombra desta árbore!

  Alfonso García Carmuega E Javier Fernández González  6º A

 SE CLICADES AQUÍ VEDES A RUTA QUE FIXEMOS
CLICAR AQUÍ E VER TODAS AS FOTOS DO MUÍÑO