O día 7 de xuño saímos da escola para unha
actividade. Sabiamos que era o Roteiro Tonucci e que corría a cargo do grupo de teatro Migallas.
Iso xa nos daba unha pista do que podía pasar, pero non nos
imaxinabamos a que se nos viña enriba!
Saímos da escola e puxemos rumbo á alameda de
Pontevedra.
Chegamos ás escaleiras do Pazo da Deputación
Provincial e xa nos estaban a esperar.
E xa desde o comezo comezaron os agasallos:
Primeiro unhas cintas de cores que nos servían para coñecer os equipos, e que
colocamos a modo de pulseiras.
E unhas gorras vermellas que nos viñeron de
marabilla para o día de sol que estabamos a disfrutar!
Empezaron coas presentacións pero resulta que
faltaban algúns dos compoñentes! Así que puxéronnos música para ver se mentres
ían chegando. E ao son da música alá chegaron os grandes, os magníficos
Pizpireto e Pizpireta!
Pizpireto era un home altísimo! E Pizpireta
desprazábase nunha alegre bicicleta!
E con acento italiano léronnos unha carta que
tamén era unha pista para buscar onde comezaba a seguinte actividade!
Así chegamos ata O Monumento aos heroes de
Pontesampaio.
Alí tocounos movernos ao ritmo da música.
Ás veces por parellas, por grupos de tres, de catro...
E finalmente todos xuntos.
No monumento, Pizpireta atopou a seguinte pista
que nos levaba diante da Casa do Concello.
Alí fixemos unha asemblea para discutir
propostas de mellora para a nosa cidade, Pontevedra.
A verdade é que nós, 6º A, estivemos moi
activos e participativos e propuxemos varias ideas que foron moi votadas polo público
asistente!
E chegou o momento de buscar outra pista para
continuar. E resulta que foi Xermán o que avistou nunha columna da Casa
Consistorial un papel amarelo. Alá foron el e Pizpireta a collelo!
Na nota dicía que tiñamos que ir ata a Praza
de Santa María para continuar os xogos. E alá marchamos cargados coas
pancartas das ideas que propuxemos para sentirnos máis cómodos en Pontevedra.
Xa na Praza de Santa María primeiro xogamos
arredor da fonte de Semeros.
E fixémolo cunha actividade na que uns
perseguidores tiñan que ir atrapando ao resto. E facíase cunha especie de cadea
humana na que uns ían quedando encadeados aos outros.
De novo había que buscar máis pistas e outra
vez foi Xermán quen a atopou!
Continuamos camiñando e chegamos xusto diante
da Basílica de Santa María.
Alí sentamos un pouco á sombra e fixéronnos
alguhas preguntas sobre aquel lugar. E alá estabamos nós dispostos a contestar
a todo!
Pizpireta e Pizpireto representáronnos unha
obra na que se pedía máis tempo para xogar. Foi moi divertida e fixéronnos rir a
gargalladas!
Alí tamén realizamos un xogo arredor do
cruceiro da praza.
Despois continuamos desfilando polo casco
antigo de Pontevedra e chegamos ao Cruceiro das 5 Rúas.
Pero aínda non era ese o noso destino. E así andamos ata A Praza de Mendez Núñez, onde nos recibiu a figura de Valle Inclán
encantado de ter tanta compañía.
E baixando pola Rúa César Boente cruzamos este
arco tan coñecido!
É o que nos leva á Praza da Pedreira!
De novo houbo que buscar pistas e esta vez foi
Juan José quen axudou a Pizpireto a localizalo xusto no Pazo de Mugartegui!
Alí esperábannos unha serie de xogos para
realizar por equipos.
Este dos barcos foi realmente interesante e
orixinal!
Mirade que boca tan grande!
Ariadna atopouse perdida nun mar de latas!
Quen é capaz de conseguilo??
Vaia chimpos dabamos coa corda!
E que ben o pasamos ao mantear varios bonecos
de distintos tamaños!
Que voaban moi alto!
E que logo abrazabamos con agarimo!
En fin... Momentos moi entretidos que nunca
esqueceremos e que ficarán sempre con nós!
Ariadna V. Montouto Mesías e Xermán González
Rivas 6º A
