Grandes Descubridores

Hoxe deixámosvos unhas investigacións sobre Grandes Descubridores da Historia. Xa Sabedes: Clicade en cada foto ou gif para que comecen as diferentes presentacións.

Imos Ao Teatro: Espantallo Amigo

Ola, somos Xermán, Brais e Adrián e queremos contarvos o día que fomos ao teatro.

O mércores 18 de novembro fumos case toda a clase con case toda a escola ver unha peza teatral representada polos Quinquilláns.

A obra, como supoñedes polas imaxes, baseábase no libro de Xosé Neira Vilas " Espantallo Amigo".

Unhas semanas antes estivemos a ler o libro na aula e así enterámonos mellor de que ía todo.

Saímos da escola á hora do recreo e camiñamos ata O Teatro Principal que era onde se realizaba a función.

Pasamos por distintas rúas e lugares da nosa linda cidade, Pontevedra. Aquí estamos a pasar diante do Museo.

E aquí pasamos na Praza da Pedreira.

Aquí xunto a estatua de Valle Inclán, que estaba pasmado a mirar tantos rapaces e rapazas por alí.

Cando chegamos ao teatro a nós tocounos subir e, alí, estivemos esperando un tempiño, e por fin empezou.

Ao principio só había unha actriz sobre o escenario e despois chegou un actor que facía que non sabía o guión.

A continuación deu comezo a representación da historia e observamos que era un pouquiño diferente ao que tiñamos lido. Pero aínda así foi moi divertido e gustounos moito.

E cando terminou fumos outra vez en ringleira multicolor por Pontevedra adiante ata chegar á nosa clase.

 Alí, algúns debuxaron o que máis lles gustou da representación e nós, velaqui estamos escribindo isto.

 Xermán González Rivas, Adrián Fernández Fraguas e Brais Garcia Mejuto 5º A

CLICADE AQUÍ PARA VER TODAS AS FOTOS DO TEATRO 

O Magosto Na Escola 2015

Ola! Somos Mario, Sabela e Lucía e imos contarvos a festa do noso magosto na escola.

Celebrámola hoxe, venres 13. Primeiro fixemos moitos xogos: O  paracaídas e o lanzamento de aneis no pabillón universitario e a corda e carreira de sacos no patio da escola.

Era emocionante choutar e choutar sen medo a mancarse.

Logo puxémonos negros a comer castañas. Ummm! que boas estaban! Aínda que había algunha que tiña algún que outro verme dentro...

Logo, como tiñamos tempo tamén xogamos a polis e ladróns! E algúns de nós puxémonos a tirar follas ao aire!

Pasámolo moi ben!

Cando subimos quixemos gardar na lembranza este día tan bo!

Entón dedicámonos a  ilustrar con imaxes o mellor magosto da nosa vida!!!

 Este debuxo de enriba é de Lucía Barreiro e o seguinte é de Angélica Badás.

 Así mirou Amelia o magosto:

 E así Rubén:

E Juan José Laverde:

E Brais García Alonso e Juanjo Carballido traballaron xuntos:

Mario Gómez Miranda, Sabela Lorenzo Figueroa e Lucía Sánchez Guerra. 5º A
CLICADE AQUÍ PARA MIRAR MÁIS FOTOS DO MAGOSTO 

Tempos De Outono

E aquí vos deixamos as nosas visións do Outono. CLICADE EN CADA FOTO PARA VER DIFERENTES PRESENTACIÓNS.