Hoxe na escola parecía que había unha revolución!
E é que resulta que os da Emisora de Radio
Onda Cero achegáronse ata aquí para facer unha gravación con participantes de
distintos niveis.
Nós, Noelia, Lucía B., Nerea F., Angélica e
Nardos estivemos a cargo de ir chamando a cada clase cando era a súa quenda e
acompañalas ata a biblioteca que era onde tiña lugar a gravación.
Foi unha experiencia moi bonita e activa, case
como participar nunha maratón!
E, como vedes, tamén fixemos de reporteiras gráficas!
Durante o tempo que durou todo, repartímonos un
pouco o traballo.
Iamos buscar os participantes ata as aulas e camiñabamos polos corredores.
E baixabamos polas escaleiras.
Procuramos manter un pouco de orden e a
verdade é que se portaron fantasticamente!
Tamén esperabamos moi pacientemente cando era
necesario.
Ás veces foi necesario tomar asiento.
E todos colaboraron moi ben!
E, por suposto que estivemos dentro, onde se
cocía todo o miolo do asunto!
Así puidemos escoitar e ver todo de primeira
man!
E tamén puidemos facer esta reportaxe gráfica para
todos vós!
Ao fin, a pesar de algunhas malas pasadas dos
trasnos da tecnoloxía, todo correu estupendamente!
E claro, nós tamén actuamos! Participamos
todos os da clase botando unha regueifa!
E, segundo Begoña, a locutora, saíunos mallado!
A pena foi que xa se acabou! E aquí quedamos desexando
que veña outra actividade para continuar a contarvos todo, todiño!
Nardos Dueñas Ramallo, Noelia Blanco
Obelleiro,Angélica Badás Cimadevila, Lucía Barreiro Lema e Nerea Ferreira Ríos
6º A
CLICADE AQUÍ PARA VER TODAS AS FOTOS
Encantoume ese día.
ResponderEliminarQUE MARATON BOTARON NOSAS COMPAÑEIRA.
ResponderEliminar