Onte, venres 8 de febreiro, cando baixamos dos autobuses, fomos direitiños ao comedor. E é que onte todos chegamos cargados con saborosos postres para despois poder vender na festa do entroido.
Alí atopámonos case todos e como estabamos disfrazados, había algúns, moi ben caracterizados do seu personaxe, aos que non recoñeciamos.
Ao chegar á clase xa nos fixamos un pouco máis e tamén puidemos descubrir o disfrace da nosa profe Mary Carmen, que era toda unha sorpresa: Estaba guapísima de "chica Ferrari"!!!!
E ao ser carnaval, tocou sesión de perruquería e a profe, ao nos peitear para poñernos "pelos de tolos" ás veces, tirábanos moito do pelo e doíanos!!!!... Pero é que para presumir, hai que sufrir...
Tamén houbo sesión de maquillaxe e despois diso sí que xa non nos recoñeciamos nin a nós mesmos!!!!
Tamén pasamos pola sesión de pousado fotográfico e Xa por fin chegou a hora de baixar ao patio!!!!
Este ano tocounos a nós, baixar o noso galo Vilaverdiño ata a pista. Joel, Antón e Juan non deixaron que Vilacverdiño caíse polas escaleiras, e o galo chegou con todas as plumas intactas!!! Foi moi divertido chegar ao son da música Hasta onde estaba todo o mundo esperando para recibir a Vilaverdiño. e cando comezou o desfile, desde 3 anos ata 5º lembrámonos de cando nós eramos pequenos, e estabamos moi emocionados...
Pero xa logo comezou a sonar a nosa música co seu pegadizo "Oppan Gangnam Style"... todos quedaron sorprendidos a á vez moi contentos ao mirar que comenzabamos a bailar!!!!
A continuación Nico, Laura e Aldara enxuiciaron a Vilaverdiño, que resultou culpado por todas as súas falcatruadas ao longo do ano.
E despois disto chegou o momento que moitos de nós estabamos esperando: a venda de todo aquilo que as nosas nais e avoas prepararon: Ricas gilloas, deliciosas orellas, saborosos biscoitos,... Aquí colaboramos todos ante tal avalancha de persoas que querían comprar de todo!!!! E tanto os que vendíamos os productos, refrescos ou tiques, e tamén os que subían e baixaban para repoñer o que ía faltando acabamos esgotados!!!!
Ao final, a nosa profe Mary Carmen dounos uns anacos de biscoito, que foi o único que sobrou... A aquelas horas e despois de tanto traballo, sóubonos a gloria!!!!
E xa chegaba o momento de queiar a Vilaverdiño. Alí estaban Javi, Tomás e Eduardo que colaboraron para prender lume nas plumas coloridas do noso galo pillabán. Todo ardeu rapidamente e as cinzas chegábannos ata as orellas...
Xa por último, xuntámonos na pista, sacamos máis fotos, e como non, démonos varias apertas!!!!
Un día moi emocionante con momentos extraordinarios que quedará sempre na nosas mentes e no noso corazón!!! O Noso Último Entroido Na Escola!!!!!!!!!!!!!!!!!
Isabel Recarey Benito e Nicolás Regueira Piquenque 6º B
Aquí deixamos todas as fotos da Festa Do Entroido
CLICADE NAS FOTOS PARA AGRANDALAS
A profe Mary, tamén elixiu as persoas encargadas de levar os rapaces e rapazas dos outros cursos, ó patio, para celebrar o día da Paz.
Fomos ao laboratorio e alí tiveron lugar as erupcións,
controladas, iso sí... E foron posible, todo hai que dicilo, grazas ao
bicarbonato e ao vinagre... ¡Foi impresionante!
