Celebrar Sen Nada Nos Petos Nin Nas Mans

Certa mañá ás nove baixamos ao ximnasio para facer unha actividade moi divertida e ao mesmo tempo entretida. 

Unha moza chamada Chus contounos que un dia atopou un home maior que lle dixo que a xente de agora non sabe festexar e xogar sen ter nada nos petos nin nas mans.

Ela propúxonos intentalo e nós claramente respondemos si moi decididos. Primeiro xogamos a correr dunha casa a outra cando ela gritaba ¡Ei Carballeira! Cando corriamos a outra casa, un neno tiña que tocarnos para atrapar a todos os que faltaban.

Logo puxémonos nunha roda e tiñamos que cantar unha serie de instrumentos musicais para formar unha orquestra.

Cada un de nós dixemos un instrumento distinto ata que todos tivemos un instrumento. Ao comezo tiñamos moita vergoña pero despois xa nos soltamos algo máis.

Máis tarde Chus díxonos un xogo que consistía en que cada un de nós tiña que coller unha parella e poñernos en roda e tocoulle á nosa profe Mary Carmen no centro. 

Cando ela cantaba tiñamos que xirar ao redor do que estaba no centro e tiñamos que facerlle cóxegas.

Nunha parte específica da canción tiñamos que coller as nosas parellas e bailar agarrados e o do medio tiña que ir a unha parella e roubala.

Ao final do xogo,  a monitora,  deixounos uns carteis de madeira que tiñan escrito palabras coas que tiñamos que compoñer unha frase en pouco tempo.

Conseguímolo  e esta era a mensaxe: Nós somos capaces de festexar sen ter nada nos petos nin nas mans.

 Lucía Cancela Rodríguez,  Breixo Fentanes Gago e Yanira García García 6º A

 CLICAR AQUÍ E VER TODAS AS FOTOS DOS XOGOS

A Nosa Visita Ao IES A Xunqueira 2 2018

Hoxe fomos visitar A Xunqueira 2, o futuro instituto da maioría de nós.

Saímos da escola e dirixímonos cara á Ponte Dos Tirantes.

Era de mañá cedo e as augas do Río Lérez baixaban tranquilas e calmas.

E O Pazo da Cultura observábanos pasar desde a súa atalaia.

De súpeto o xefe de expedición torceu á dereita e camiñamos pola Illa das Esculturas.

O sol tamén nos quixo acompañar neste paseo.

E por fin estivemos nas cercanías do IES.

Ao chegar entramos no salón de actos para unha primeira toma de contacto.

Alí explicáronos un pouco como íamos traballar o ano que ven e logo ensináronos as instalacións. O instituto era grande,  tiña moitas aulas pequenas pero acolledoras e cheas de alumnos.

Había unha cafetería que desprendía un cheiro moi gustoso, estaba repleta de nenos comprando a súa merenda e tertuliando mentres non tocaba traballar. Tamén había talleres, laboratorios, taquillas, biblioteca e outras moitas cousas que nos axudarán para o curso que vén.

Máis tarde, vimos unhas actuacións dos nenos de sexto de Campolongo e da Xunqueira moi divertidas pero como tiñamos outra actividade, tivemos que marchar.

E volvemos á escola polo mesmo camiño de ida.

A Ponte dos Tirantes destacaba na paisaxe.

Mentres uns piragüistas poñían a nota deportiva á nosa xornada. 

E nós chegabamos á escola conversando tranquilamente.

Sara Fontán Cacheda e Mercedes Barragáns Padín 6º A

CLICAR AQUÍ E VER TODAS AS FOTOS DA VISITA 

Contacontos No Día Do Libro Na Escola

O día 23 de abril conmemórase internacionalmente O Día do Libro. E, claro, nós non perdemos a ocasión de celebralo.

E fixémolo lendo, como non!

Pero non lemos só para nós. Resulta que tivemos público!

Dividímonos en grupos e acudimos de contacontos ás distintas aulas da escola.

Previamente repartimos os fragmentos de lectura entre os membros do grupo. 

E, aconsellado pola nosa profe Mary Carmen, estivemos ensaiando como o faríamos.

Así foi posible que todo saíra ben e que o público ficara contento coas nosas escollas.

Pedro Carmuega Salazar e Abel Luís Franco Rosón 6º A

CLICAR AQUÍ E VER TODAS AS FOTOS DA LECTURA