Fomos Ao Teatro: Pinocho

Ola, somos Angélica e Álvaro e imos contarvos a excursión que fixemos o outro día ao Teatro Principal.

       Primeiro pensabamos que ía ser unha ópera, pero ao final foi unha peza de teatro moi chula.

Saímos da escola ás 11 horas da mañá, e fomos directamente para o teatro. As árbores das rúas, agora amosaban as súas pólas valeiras de follas.

Polo camiño iamos case sempre em fila india e non daba para facer paradas nin falar do que había ao noso arredor.

Pero nós sabiamos bem por onde pasabamos. Saudamos á mulleriña coas galiñas preto da Praza de Abastos.

Deixamos abraiado a Valle Inclán cando nos viu pasar todos formaliños.

Admiramos a Fonte dos Tornos.

Cruzamos pola Praza do Teucro.

E despois da Capela do Nazareno xa avistamos O Teatro Principal.

Ao chegar alí todo nos gustou porque estaba moi ben feito. Ademais con pouquísimas cousas facían maravillas increíbles.

Era unha compañía italiana e representaron con monicreques o conto de Pinocho que nos encantou.

Despois voltamos á escola e todos nos diriximos ao salón de actos.

Alí vimos cantar a Angélica e a Sabela, O Himno da Alegría, canción que, no Día da Paz, non se puidera interpretar por culpa dos trasnos da técnica que quixeron facer falcatruadas das súas. A verdade é que o fixeron moi ben.

Álvaro Durán Cortegoso e Angélica Badás Cimadevila 5º A

CLICAR AQUÍ PARA VER TODAS AS FOTOS