Celebrando O Día Do Libro Na Illa Das Esculturas

O 23 de abril é O día Do Libro, pero nós, na escola celebrámolo onte día 24 de abril.

E para iso levamos a cabo unha pequena gran actividade. 

Pequena porque iso pensabamos nós, e que non ia ser moi entretida, e grande porque ao final resultou fantástica!

A actividade realizámola fóra da escola, na Illa das Esculturas.  

Saímos do recinto escolar e cruzamos A Ponte dos Tirantes.

No Río Lérez adestraban os piragüístas.

E devagar fómonos achegando ata o lugar escollido.

A Pasarela Peatonal estaba atónita ao ver tanta rapazada por alí!

Pasabamos e pasabamos e non dabamos acabado de pasar...

Todos camiñabamos tranquilos e falando animadamente.

Que conversa máis interesante!

Facía sol e as árbores da ribeira do Lérez acompañábannos coa súa sombra.

E chegou o momento da lectura.

E buscamos un lugar axeitado para estar cómodos.

E sentamos na herba tan panchos...

A nós tocounos lerlles ao alumnado de terceiro.

Xa levabamos uns días practicando bastante, así que saíunos bordado!

Aínda que había algúns algo pillabáns...

Eles escoitaban moi atentos e portáronse moi ben!

Nós estabamos divididos en grupo de 3 que liamos para 6 persoas.

E tamén de 2 que o faciamos para 4 rapaces e rapazas.

Entón contamos os contos e tamén lles fixemos preguntas sobre o que tiña pasado.

Tamén estaban moi interesados nas ilustracións dos contos.

Foi unha experiencia espectacular!

Con momentos moi divertidos!

E axiña chegou o momento de regresar á escola.

E voltaron as conversas animadas.

Camiñando sen moita velocidade.

A Pasarela xa quedou un pouco máis tranquila!

E A Ponte dos Tirantes voltou a ter momentos de protagonismo.

 Por certo que tanto na ida como na volta todo correo moi ben porque contamos coa axuda da Policía Local.

Que detivo o tráfico e axudounos a pasar polos pasos de peóns.

Xa na escola aínda tivemos un tempiño para correr un pouco.

Xogar ás agochadas...

Rir cos compañeiros...

Dar un abrazo...

E escribir esta reseña que aquí vos deixamos. Por certo que somos Adrián Fernández Fraguas, Xermán González Rivas e Vicente Martí Pesqueira 6º A

CLICAR AQUÍ E VER TODAS AS FOTOS DA LECTURA