Unha Mañá De Fantasía E Supersticións

O venres 17 de febreiro estivemos a celebrar... O Entroido!!! 

Ao chegar á escola a maioría de nós xa viñamos vestidos, pintados e peiteados de Santa Compaña/Zombies!!!

Algúns tiveron que arranxar algo a súa maquillaxe, e outros, como Dalila, pintáronse e peiteáronse na clase, coa axuda da profe Mary Carmen e de moitos de nós que tamén axudamos...

Estabamos espeluznantes, e os máis pequenos escapaban de nós... 

        

Ás 11 da mañá comezamos a baixar ao patio, onde tería lugar o desfile.

Este ano o entroido trataba das supersticións, por iso, o alumnado de E. Infantil ía disfrazado de brux@s, os de primeiro de trebos de catro follas, os de segundo de espellos rotos, os de terceiro das doce uvas da sorte, cuarto curso de voda ibicenca, nós, os de quinto, de Santa Compaña/Zombies e os de sexto de saleiros...

Todos desfilaban ao son dunha música, nós coa"Marcha Fúnebre" e "Thriller" de Michael Jackson... 

E seguro que lembrades a de sexto: "Soy una taza, una tetera, una cuchara y un cucharón, un plato hondo, un plato llano, un cuchillito y un tenedor. Soy un salero, azucarero, la batidora y la olla exprés. Chu, chuuuuu...!!!"

Ao rematar o desfile, fixémoslle o xuízo ao noso Galo Vilaverdiño, e como resultou condenado, nós os de quinto lemos as súas últimas vontades... 

Deseguida deu comezou a venda de filloas, orellas, biscoitos, auga e refrescos para recadar fondos para a excursión de sexto.

Despois cantáronse as ladaíñas e o noso galo foi conducido en procesión  ata o lugar onde se procedeu a queimalo... E que saibades, que o noso querido galo Vilaverdiño, morreu queimado un ano máis pola culpa de Anxo... Siiiii......... O noso Anxo, que foi quen lle prendeu lume... 

Disfrutamos moito nesta festa... Mereceu a pena, o traballo que pasaron pais, nais e o profesorado axudando a facer os disfraces... Quedaron xenial!!!

Isabel Recarey Benito e Aldara Fernández Fernández 5º B

VER AQUÍ TODAS AS FOTOS DO ENTROIDO 2012